Ushbu sahifada bolalar uchun 25 ta qiziqarli o’zbekcha tez aytishlar to’plami joylashtirilgan. Bolalarga imkon qadar oson va qisqa bo’lgan tez aytish topishga harakat qildik. Marhamat, o’zbek tilida yozilgan tez aytishlar sizni kutmoqda!
Oltin o‘tloq — oq o‘tloq.
Qishda kishmish pishmasmish, pishsa kishmish qishmasmish.
Qishda qatiq qattiq qotib qolibdi.
Tubsiz dengiz dedingizmi, dengiz tengsiz dedingizmi?
Oqil oq olma oldi, oq olmani Oqil oldi.
Oq choynakka oq qopqoq, ko‘k choynakka ko‘k qopqoq.
Non yasashasizmi, sholi sanashasizmi?
Ergash Erkinga ergashdimi, Erkin Ergashga ergashdimi?
Tolib to‘pni tepib toldi, so‘ngra to‘pni sumkaga soldi.
Salim sumkasiga patirni soldi, Salima sumkasidan atirni oldi.
G’ani g’ildirakni g’izillatib g’ildiratdi
Jamila jiydani joyiga joyladi.
Lola arralaydi, Sora allalaydi.
Ayiq asal yaladi, asalari taladi.
Bedarak bedana bedazorda bedor bo‘ldi.
Bu bo‘ri bo‘z bo‘rimas chiyabo‘ri.
Bulturgi burgutni bugun Urgutda ko‘rdim.
Chumchuq chug‘urchiqni cho‘qimasa, chug‘urchiq chumchuqni cho‘qimaydi.
Eshik oldida buloq, buloqdan suv ichar uloq, uloqcham uzun quloq.
Ikki ayiq qayiqqa qaradi, oq ayiq oldin qaradimi, qora ayiq oldin qaradimi?
Jo‘ja cho‘chib, go‘ja cho‘qir.
Qalin qorga qora qarg‘a zo‘rg‘a qo‘ndi, ana qara.
Qo‘ng‘iroq qo‘zichoqnikimi, qo‘g‘irchoqnikimi?
Shamol shovullab shovqin soldi, shalpangquloq qo‘rqqanidan shataloq otib qoldi.
Shu mushuk, shum mushuk, shumshuk mushuk.
