Oyoqlarni yuqoriga ko‘tarib yotishning foydali tomonlari
➥ Buni qanday qilish kerak?
Chalqancha yotib oling. Ikkala dumg‘azani devorga tekkizib, oyoqlarni yuqoriga cho‘zing. Oyoqlarni bo‘shashtiring, ularni biroz yon tomonga yoyishingiz mumkin, tovonlar devorga tegib turadi, oyoqlaringizni yoki juftlab, yoki tos suyagi kengligida saqlang. Qo‘llaringizni tananing yon tomoniga qo‘ying. Yelka va bo‘yinni bo‘shashtiring.
➥ Qanday ijobiy xususiyatlari bor? Agar siz har kuni 20 daqiqa davomida oyoqlaringizni devorga tirab, ko‘tarib qo‘ysangiz, tez orada quyidagi ijobiy natijalarga ega bo‘lasiz:
➥ Oyoqdagi shishlarni kamaytiradi;
➥ Charchagan oyoq sindromini yengillashtiradi;
➥ Ovqat hazmini yaxshilaydi;
➥ Asab tizimini bo‘shashtiradi;
➥ Ruhiy xotirjamlikni ta’minlaydi.
