Bu xastalik asosan ayollar va bolalarda uchraydi. Bu kasallikka chalinganlarni davolashni suyuqlik is’temolidan boshlagan ma’qul. Bemor tuzalgunicha qaynatilgan turshak suvini choy o‘rnida muntazam ichib turishi zarur. Keyin na’matak va do‘lana qaynatmasi ham yaxshi shifo bo‘ladi.
Shuningdek, kun oralatib quyidagi shifbobaxsh qaynatmani ichib turish tavsiya etiladi: 200 gr. turshakka teng miqdorda qizil lavlagini sabziday to‘g‘rab, unga ta’bga qarab. shakar qo‘shasiz va uch litr suvda u to ikki litr qolgunicha qaynatasiz. Qaynatmani o‘sha kunning o‘zida ichish maqsadga muvofiq.
Kamqonlikni davolashda ikki choy qoshiq quruq na’matak mevasining ustiga bir stakon qaynoq suv quyasiz va damlab qo‘yasiz va buni kuniga uch martadan taomdan so‘ng ichib turasiz. Xuddi shu usulda mayizli damlama ham tayyorlab ertalab nonushtadan yarim soat oldin ichish ham koni foyda.
Ertalabki nonushtada paxta, pista yoki zaytun yog‘ida qovurilgan piyozni suvi qochgan non bilan yeyish kamqonlikdan qutilishda yana bir davodir. Shuningdek, har kuni kamida 200 gr. qizil lavlagini suvda pishirib yeng, u qonni ko‘paytirish bilan birga tozalaydi ham.
Kamqonlikda qovurilgan, go‘shtli taomlar, sut iste’mol qilinmaydi. Go‘shtni iloji boricha qiyma holida yegan ma’qul. Shirinliklardan faqat asal, oqqand, shakar yeyish mumkin. Qandolatchilik mahsulotlari, qahva, kakao, turli pishiriqlar iste’moli mumkin emas.
Shoira Bekchanova,
tibbiyot fanlari nomzodi, oliy toifali vrach
