1. Qon aylanishi yaxshilanadi
Sovuq dush tanada qon aylanishini tezlashtiradi. Bu yurak-qon tomir tizimi uchun foydali va qon bosimi oshishida, venalarning varikoz kengayishi kabi kasalliklarning oldini olishda yordam berishi mumkin. Miyada qon aylanishining tezlashishi esa uning benuqson ishlashiga xizmat qiladi.
2. Eng yaxshi antidepressant
Adrenalin oshishi va pereferik asab tolalari orqali sodir bo‘ladigan ko‘p sonli elektr impulslari tushkunlikka qarshi kuchli ta’sir ko‘rsatadi. Sovuq ta’sirida simpatik asab tizimi faollashadi va organizmda tushkunlikni yo‘qotuvchi noadrenalin deb nomlanadigan kimyoviy modda ajralib chiqishi kuchayadi. Va bu tushkunlikni bartaraf etadi.
3. Teri va sochlarga yaxshi ta’sir ko‘rsatadi
Soch sinishining oldini olish va jilolanishi uchun boshni sovuq suvda yuvish kerakligini eshitganmisiz? Issiq suv teri va sochlarni quritib yuboradi, sovuq suv esa egiluvchanlik xususiyatini oshiradi. Shuningdek, bosh terisi tirishishining oldini oladi.
4. Kuch bag‘ishlaydi
Sport mashg‘ulotlardan so‘ng sovuq suvga sho‘ng‘iydigan yoki muzdek dush qabul qiladigan sportchilar keyingi mashg‘ulotlarda yanada yaxshiroq natijalarga erishishlari aniqlangan. Sovuq suv jismoniy zo‘riqqan organizmni tez tiklanishi va kuchga to‘lishiga yordam beradi.
5. Ruhiy quvvatni oshiradi
Issiq suvni o‘chirib sovuq suvda cho‘milish yoki muzday daryoga sho‘ng‘ish jasorat va ruhiy tayyorgarlikni talab qiladi. Tanangizni bunday kutilmagan holatga qanchalik ko‘p tushirsangiz, u boshqa o‘zgarishlarga ham shunchalik oson ko‘nikib boradi. Qisqasi, irodangiz mustahkamlanadi!
