1-iyun Dunyo miqyosidagi sut kuni
1-iyun «iching, bolalar, sut, bo‘linglar sog‘lom! » — ushbu ibora to‘laligicha 1 iyunga mansub — bu sanada, butun dunyo na faqat xalqaro bolalarni himoya qilish kunini, balki dunyo miqyosidagi sut kunini (World Milk Day) ham nishonlaydi. Birinchi marta bu bayram 2001 yilda BMT ning oziq-ovqat va qishloq xo‘jalik tashkilotlari taklifi bilan nishonlandi. O’shandan beri an’ana dunyoning ko’p mamlakatlarida keng tarqaldi. Bayramning maqsadi — sutni va sut mahsulotlarini odamlar o‘rtasida ommalashtirish, hamda sut va sut mahsulotlari ishlab chiqarish bilan bog‘liq faoliyat haqida aholini xabardor qilish. Nimaga dunyo miqyosidagi sut kuni xuddi 1-iyunda nishonlanadi? Gap shundaki, BMTning bayram qilish g’oyasini qo’llab-quvvatlovchi ayrim mamlakatlarda milliy sut kunini bayram qilish an’anasi bo’lgan. Va deyarli barcha mamlakatlarda bu bayram 1-iyunda yoki shunga yaqin sanada nishonlangan. Shuning uchun rasmiy sut kunini yozning birinchiga kunida nishonlashga qaror qilingan. 2008-yilga kelib bir vaqtning o‘zida dunyo bo‘yicha 40 ta har xil davlatlar sut kunini bayram qilishda qatnashishdi, bulardan ko‘pchiligida bayram mamnuniyat bilan keng miqyosda va tantanavor o’tadi. Argentinada feremerlar uyushmasi «sut va asal daryo bo’lib oqadigan mamlakat” iborasi ostida sutni iste’mol qilishning yirik targ‘ibot kompaniyasini tashkil qildi. Germaniyada milliy bayram «tezroq, kuchliroq, aqlliroq, bu hammasi sut tufayli” devizi ostida o‘tdi. Norvegiyada sut mahsulotlari milliy kengashi sut to‘g‘risidagi eng yaxshi voqea uchun internet-konkurs o‘tkazdi, g’olib muallif oldi pullik sovrin bilan taqdirlandi.
