ShRI-LАNKА OROLI
Shri-Lanka – iliq Hind okeani tomonidan yuvilib turuvchi mehmondoʼst orol. Kokos va banan palьmalarining tropik oʼrmonlari, mashhur choy plantatsiyalari, yumshoq iqlim va sirli madaniyat sayyohlarga zavq ulashuvchi sevimli maskanlar hisoblanadi. Orolning fusunkor goʼzalligi koʼp sonli sayyohlarni oʼziga jalb qiladi. Yirik plyajlar, mayin quyosh nurlari va dengiz shamoli plyajda dam olish uchun ajoyib sharoit yaratadi. «Madaniy uchburchak» deb nomlanuvchi orolning qismi katta qiziqish uygʼotishi mumkin. Аynan shu hudud bir talay qadimiy imoratlar, diniy ibodatxonalar va boshqa tarixiy yodgorliklarni oʼzida mujassam etadi. Ziravorlar bogʼi, fil qoʼriqxonasi, qirollik botanika bogʼi, Sigiriya saroyi, qadimiy Аnuradxapura shahrini faqatgina ushbu orolda koʼrishingiz mumkin.
Shri-Lanka yoki Seylon – bayramlar ketma-ket davom etuvchi va anʼanaga koʼra mahalliy aholi tomonidan keng koʼlamda nishonlanuvchi davlat. Ushbu rang-barang tomoshani albatta bir bor boʼlsa ham koʼrish kerak. Shuningdek, orol sogʼlom hayot kechirishni ilgari suruvchi tibbiyot oʼchogʼi hisoblanadi, shu sababdan bu yerga nafaqat hordiq chiqarish, balki sogʼliqni tiklash maqsadida ham kelishadi. Sayyohlar oqimi mavsumining eng qaynoq davri dekabrь, yanvarь va fevralga toʼgʼri keladi. Bu oylarda okean nisbatan tinch va iqlim biroq salqin deb hisoblanadi.
Shri-Lankada dam olish – bu yoʼqolgan shagʼarlar, tillarang qum va nisbatan arzon mehmonxonalarga ega moviy dengiz.
Shri-Lankaga safar – bu xushmanzara tropik oroldagi hayotingizning unutilmas onlari, ajoyib kayfiyat va qadimiy urf-odatlarni oʼrganish.
