Navro‘z bayrami haqida eng sara sherlar to‘plami. Navro‘z – yashnash, yasharish bayrami, tabiatning uyg‘onishi bilan bog‘liq yangi kunning boshlanishidir. «Navro‘z» so‘zining manosi forschadan tarjima qilinganda, «yangi kun» maʼnosini anglatadi.
Vatanim, navro’zing muborak!Boshingda hurriyat quyoshing bordir,
O’z tug’ro, bayrog’ing, yurtdoshing bordir.
Maqsading, g’ayrating, bardoshing bordir,
Vatanim, muborak bo’lsin navro’zing.
Kelaqol Navro’zim…
Turfa gullar ochilib, ifor taratib,
Mayin esgan shabbodang dilni yayratib,
Erta tong qushlarni qiy chuv sayratib,
Kelaqol navro’zim sog’indik seni.
Chuchmomayu, moychechak yerga yoyilsin,
Ariqlaring anxoring suvga to’yinsin,
Keksa momolarim dildan suyunsin,
Kelaqol navro’zim sog’indik seni.
Bodomlar, o’riklar qiyg’os gullasin,
Varraklar bulutlar bir bir quvlasin,
Sumalaklar ostida olov uvlasin,
Kelaqol navro’zim sog’indik seni.
Daladagi dexqonim kutgan o’zingsan,
Qorli cho’qqilardan o’tgan o’zingsan,
Ko’nglimga baytlarni bitgan o’zingsan,
Kelaqol navro’zim sog’indik seni.
Hush ko‘rdik navro‘z
Bugun navro‘z bayrami
Navro’z keldi azizlar!Bahmal yopib yillarga,
Adir dala qirlarga,
Gullar olib qo’llarga,
Navro’z keldi azizlar.
Quyosh separ nurlarin,
Yerga zarrin nurlarin,
Erkalatib hurlarin,
Navro’z keldi azizlar.
Bugun shodiyona
Kelmoqda navro‘zYana ko‘ngillardan rutubat ketdi,
Yana shu’lalardan qamashmoqda ko‘z.
Yana dildorlikning fursati yetdi,
Demak, Bahor keldi,
Kelmoqda navro‘z.
Hademay navro’z
Hademay lolalar bo‘sadek titrab,
Tog‘lar viqoriga munis boqarlar,
Yana necha-necha oshiqlar yig‘lab,
Bir-birin bag‘rida gulhan yoqarlar.
Mening bir kunim ham kun deb Qish nochor,
Ketolmay qor sepib turadi hanuz,
Bir kuy yaraladi,Quyosh bastakor,
Hademay navro‘zdir, hademay navro‘z!
Navro’zi olam keldilar
Navro’zjonHofiz qo’shiq aytar raqs etar jahon,
Navro’zjon bu yilga kelishing boshqa.
Bir yon katta kurash, bir yon ko‘pkari,
Askiya aytishuv o’lanlar bari.
Sevinch bag’ishlaydi keksayu-yoshga,
Navro’zjon bu yilga kelishing boshqa.
Navro‘zim
Bog‘ bahorsiz qolmasin,
To‘kmasin tog‘ lolasin.
O‘zbekiston bag‘rida
Navro‘zlar omon bo‘lsin,
Navro‘zlar omon bo‘lsin.
Navro‘z, navro‘z, navro‘zim,
Sen mening ko‘rar ko‘zim,
Sen mening aytar so‘zim,
Sen mening xuddi o‘zim,
Sen mening yorug‘ yuzim.
Kulib keldi Navro’zim
Chakkasiga gul taqib,
Kirib keldi Navro’zim.
Daraxtlarga dur taqib,
Kulib keldi Navro’zim.
Dala dashtda maysalar,
Salom alik aytsalar.
Qanday go’zal ko’rinish,
Yashillikka cho’milish.
Doshqozonda sumalak,
Boychechaklar xush darak.
Qizg’aldoq cho’g’day gilam,
Sevinchdan ko’zlarda nam.
Bolalar yayrashadi,
Qo’shiqlar yangrashadi.
Momolarning dunyosi,
Ijobatdir duosi.
Bobolar halim solar,
Latifa aytib tolat,
Ichakuzdi hazillar,
Qiziydi sho’x bazmlar.
Elga rizq- ro’z ulashib,
Tandir nonin ushatib.
Yayrab keldi Navro’zim,
Yashnab keldi Navro’zim.
