Ishga qabul qilishda sudlanganlikning ahamiyati qanday?
— Ko’pchiligimizda yaxshi kasblarni tanlab, shu sohada ishlash niyatimiz bo‘ladi. Ammo ishga qabul qilinish chog‘ida bizga sudlanganmisiz yoki oilangizdan birortasi sudlanganmi deb savol berishadi. Ish soʻrovchi sudlangan boʻlsa, baʼzida shuni da’vo qilib ishga qabul qilishmaydi. Bu qonuniymi?
— Bu noqonuniydir. Ya’ni O‘zbekiston Respublikasi Mehnat kodeksining 78-moddasiga asosan, siz qaysidir tashkilotga ishga kirayotganingizda ish beruvchi sizning yoki yaqin qarindoshlaringizdan birining sudlanganligini sabab qilib keltirib, sizni ishga qabul qilmasligi g‘ayriqonuniy harakat hisoblanadi.
— Buning uchun ish beruvchi javobgarlikka tortilishi mumkin. Bunday holatlarga duch kelsangiz, tegishli joylarga qoʻrqmasdan murojaat qilishingiz mumkin.
