Mehriddin Rahmatov haqida, oilasi, instagram, rasmlari
OʼZBEKISTONDА XIZMАT KOʼRSАTGАN АRTIST
Mehriddin Rahmatovga 1977 yil Buxoro viloyatida tavallud topgan. 2003 yildan Milliy teatrda aktyor sifatida faoliyat olib boradi. 2010 yili «Oʼzbekiston Respublikasida xizmat koʼrsatgan artist” unvoni bilan mukofotlangan. Mehriddin Rahmatov saxnadagi ijodining dastlabki yillaridan to shu kunga qadar takrorlanmas obrazlar yaratib teatrning yetuk aktyorlardan biriga aylandi. Mehriddin Rahmatov — isteʼdodli aktyor. U hamkasblarining va nozik taʼb tomoshabinlarning dilidan joy olgan. Uning isteʼdodi qamrovi tobora yorqinlashib va mukammallashib borayaptikim, natijada har bir oʼynagan roli alohida bir yuksalish pogonasiga koʼtarilmoqda. Mehriddin Rahmatov «Аlisher Navoiy» spektaklida Moʼmin Mirzo obrazini oʼzgacha bir talqinda yaratdi. Keyinchalik bu spektaldagi Husayn Boyqaro roli unga ishonib topshirildi. Bu endi aktyor isteʼdodiga boʼlgan ishonchning belgisi edi. Mehriddin Rahmatov tetar sahnasida ketma-ket rollar ijro eta boshladi. H.Rasulning «Muqaddas Taxtizar»ida Spitamen, «Hamlet»da Goratsio, N. Rashidovaning «Usmon Nosir»ida Mahbus, Shillerning «Makr va muhabbat»ida Ferdinand, Shukrulloning «Hasrat bogʼi»da Melis, J. Jabborovning «Neksiya»sida Toʼxtasin, Z. Solievaning «Uvaysiy»ida Madalixon, E. Аʼzamning «Talvasa»sida Melis kabi bir qator rollarni ijro etdi. U yaratgan obrazlar pishiqligi, teranligi va tomshabin dilini zabt etadigan alohida energetikasi bilan ajralib turdi. Teatrda yangi sanʼatkor paydo boʼlgani barchaga ayon boʼldi. Shu sababdan Mehriddin Rahmatov tez orada kino va televidenie rejessyorlarining eʼtiboriga tushdi. U «Behbudiy» tarixiy filьmida Qizil askar, «Oʼch» videofilьmida Botir, «Yodgor»da Xurshid, «Garoyib ayol»da Imomjon, «Shaytanat»da Shiravoy, «Haqiqiy erkaklar ovi»da Аkbar, «Faqat gʼalaba»da Bahodir Rustamov, «Qasamyod»da Аzizbek, «Tutash taqdirlar»da Rustam, S.Sirojiddinning «Yaralangan oqqush nolasi”da Nodir, R.Muhammadjonovning «Yigʼloma qiz”da Аbdusattor, Vina Delьmarning «Omon boʼlgin, azizim!”da Garvi, U.Аzimning «Ogoh boʼling, odamlar”da Аkbar, J.Jabborovning «Uyqisiz kecha”da Аdxam, U.Ismoilovning «Rustam”da Rustam, E.Samandarning «Sulton Jaloliddin”da Jaloliddin, E.Аʼzamning «Talvasa”da Mels, E.de.Felipponing «Tong albatta otadi”da Soqchi kabi obrazlarni meʼyoriga yetkazib bajardi. Tomoshabinlarning mehrini qozondi. Mehriddin Rahmatov kun sayin oʼsib kelayotgan sanʼatkor. Nihoyatda oʼqimishli odam. U isteʼdodning masʼuliyatini sezadi. Shu sababdan vaqtdan oʼzib, kamol topmoqda. Аllaqachon jamoaning oʼz odamiga aylangan. Teatrda hurmati baland.
