Abu Fuhayra roziyallohu anhu Payg‘ambarimiz sollallohu alayhi vasallam va Abu Bakr roziyallohu anhularning Makkadan Madina shahriga hijratlarini Qurayshga sezdirmaslik va izlarini yo‘qotish maqsadida ularning izidan qo‘y va echki podalarini haydab borgan.
Banu Quraa qabilasiga Qur’ondan dars berish uchun yuborilgan 70 ta qorilardan biri edi. Banu Quraaning hiyonati bois u va uning qolgan hamrohlari xoinlarcha o‘ldiriladi. U Badr, Uhud voqealari ishtirokchisi, hijratning to‘rtinchi yili “Bi’ru ma’ina” kuni, qirq yoshda vafot etgan.
