Москва университети филология факултетини ва айни пайтда шу университет қошидаги Шарқ тиллари институтини тугатган (1957). Ўзбекистон Фанлар академияси Тил ва адабиёт институтида кичик ва катта илмий ходим (1960-68), тарихий-этимологик луғатлар бўлими мудири (1968 — 82), айни пайтда директор ўринбосари (1974-82), Берлин университети шарқ тиллари факултети профессори (1982-86), Тошкент вилояти партия комитети котиби (1987-89), Ўзбекистон Олий ва ўрта махсус таълим вазирининг ўринбосари (1990-92) бўлиб ишлаган.
Эргаш Фозиловнинг илмий ишлари туркий тиллар, жумладан, ўзбек тилининг шаклланиш тарихи, тараққиёт йўллари, эски ўзбек тили грамматикаси, лексикаси тадқиқига, 14—15-аср ёзма ёдгорликларини ўрганишга бағишланган.
Эргаш Фозилов 4 жилдли «Алишер Навоий асарлари тилининг изоҳли луғати» (1983— 85) тузувчиларидан бири.
