O‘z-o‘ziga xizmat ko‘rsatish — bu turdagi “moyka»larning daromadi qancha?
Bugungi kunda yurtimizda o‘z-o‘ziga xizmat ko‘rsatuvchi avtomobillar yuvish shoxobchalari soni ko‘paymoqda. Masalan “DS-Moyka” ning poytaxtda 9 ta filiali bor.
Biznes-premium toifadagi shoxobchada 6 ta post bo‘lib, unda 7 ta yuvish funksiyasi mavjud va buni ochish narxi $120 ming ketgan.
Hozir bitta shoxobchada kuniga o‘rtacha 400−500 avtomobilga xizmat ko‘rsatiladi. O‘rtacha chek narxi 15 ming so‘mni tashkil qiladi. Oylik daromad $15−20 mingni tashkil etadi.
Xarajatlar, bir oyda suv uchun 1-1,5 mln so‘m, elektr energiyasi uchun undan ko‘proq, ya’ni 4,5-5 mln so‘mgacha to‘lanadi. Bir oyda bitta moyka uchun o‘rtacha 26−27 mln so‘mlik kimyoviy moddalar sotib olamiz. Shuningdek, beshta xodim uchun o‘rtacha 18−20 mln so‘m oylik ajratiladi.
