Amaliyotda haydovchi to jarimani to‘lamagunicha mashinani jarima maydonidan chiqarishga ruxsat bermaslik hollari ko‘p uchraydi. Bloger Xushnud Xudoyberdiyev MFaktor ko‘rsatuvida avtomobillarni jarima maydonidan (shtrafploshadka) olib chiqish qoidalari to‘g‘risida tushuntirish berib o‘tdi.
Avtomobilni jarima maydoniga qo‘yish shartlari «Ma’muriy javobgarlik to‘g‘risidagi» kodeks 291-moddasi va «Ma’muriy ishlarni ko‘rib chiqish tartibi yo‘riqnomasi»ning 36-bandi bilan tartibga solinadi. Unga ko‘ra,
Huquqbuzarlik sodir etilganda, transport vositasi ushlab turish sababi bartaraf etilgunga va ma’muriy ish ko‘rib chiqilgunga qadar ushlab turilishi mumkin
Ma’muriy ishlarni ko‘rib chiqish tartibi yo‘riqnomasi, 36-band
Masalan, avtomobilga ruxsatsiz «tonirovka» tortilgan bo‘lsa, shu tonirovkani yulib tashlashi jarima maydoniga olib kirmaslikka asos bo‘la oladi. Yani, sizning jarimani to‘laganingizdan keyingina avtomobilni olib chiqishga ruxsat berilishi noto‘g‘ri amaliyotdir.
bankvabiznes.uz
