Kerakli masalliqlar:
1. Un — 1.5 kg.
2. Go’sht yoki qiyma — 1 kg.
3. Karam — 1.5 dona
4. Soya va ziravorlar
5. Hamirturush — 1 quti
Tayyorlanishi:
Un idishga solinib, o’rtasi ochiladi va ichiga hamirturush, iliq sho’r suv solib, qo’lga yopishmaydigan yumshoq hamir qoriladi. Hamirni o’rab, oshishi uchun issiq joyga qo’yiladi.
Hamir oshgunicha qiyma tayyorlanadi:
Karam yirik to’g’ralib, qozonda dimlab, qovurib, bir oz yumshatilinadi. Go’sht mayda to’g’ralib, ziravorlar solinib, karamga qo’shiladi. Oshgan hamir mayda tuhum kattaligida zuvalachalarga bo’linib, biroz tindiriladi.
Tingan zuvalachalar barmoqlar yordamida yoyilib, ichiga qiyma solinadi va shakl berib tugiladi.
Manti qasqon listlari yog’lanib, tugilgan pegodyalar terib chiqiladi. Va 45 daqiqa davomida bug’da pishiriladi.
Tayyor taomni iste’mol qilishda tayyor sabzi va lavlagi salatlaridan, ta’bga qarab mayonez va ketchuplardan foydalanish mumkin.
Yoqimli ishtaxa!
