O‘zbegimning qizlari
Iqbol Mirzo she’ri
Oydin Abdullayeva musiqasi
Gulzorlar ko‘p, chaman ko‘p,
Shamshod, sarvu suman ko‘p.
Boshqa bog‘ning bormi xo‘p,
Nilufar, Nargizlari.
O‘zbegimning qizlari.
Bibixonim zehnidan,
Mohlaroyim mehridan,
Uvaysiz so‘z sehridan
Suv ichgan ildizlari –
O‘zbegimning qizlari.
NAQORAT:
Dil sofligi zilolda,
Bunday ko‘rk yo‘q hilolda.
Sadoqatu kamolda
Zulfiyaning izlari –
O‘zbegimning qizlari.
Qarang qalb dunyosiga,
Andisha hayosiga.
Teng bo‘lmas ziyosiga
Falakning yulduzlari –
O‘zbegimning qizlari.
Bibixonim zehnidan,
Mohlaroyim mehridan,
Uvaysiz so‘z sehridan
Suv ichgan ildizlari –
O‘zbegimning qizlari.
NAQORAT:
Dil sofligi zilolda,
Bunday ko‘rk yo‘q hilolda.
Sadoqatu kamolda
Zulfiyaning izlari –
O‘zbegimning qizlari.
