Gulsanam Mamazoitova 1981-yil 22-mart kuni Farg’ona shahrida san’atkorlar oilasida tug’ilgan. 1997-yilda Farg’ona shahridagi 1-o’rta maktabning 9-sinfini tamomlab Farg’ona Davlat San’at bilim yurtining «An’anaviy ijrochilik» bo’limiga o’qishga kirdi. 1999-yilda Yunus Rajabiy nomidagi Respublika maqomchilar ko’rik-tanlovida 2-o’rin, 2000-yilda Xorazmda bo’lib o’tgan 1-Respublika mumtoz musiqa festivali g’olibi bo’ldi. 2000-yilda bilim yurtini tamomlab O’zbekiston Davlat Konservatoriyasining «Sharq musiqasi» bo’limiga qabul qilindi. 2003-yilda «Aziz ona yurtim navolari» milliy estrada ko’rik tanlovida 1-o’rinni egalladi. Gulsanam Mamazoitova 2004-yilga kelib O’zbekiston Davlat Konservatoriyasining magistratura bosqichida o’z bilimlarini oshirishni davom ettirdi. Xuddi shu yili xonanda «Nihol» mukofoti bilan, 2006-yilda esa «O’zbekistonda hizmat ko’rsatgan artist» unvonlariga sazovor bo’ldi.
