Sharq adabiyotida Shoiri Abu Maoniy (Maʼnolar otasi) deb nom qozongan Mirzo
Abdulqodir Bedil 1644 yilda Hindistonning Patna viloyatiga qarashli Azimobod shahrida tugʻildi. Bobosi shahrisabzlik, barlos urugʻidan boʻlgan.
Bedil Sharq adabisshda Mavlono Jaloliddin Rumiy nomi bilan bogʻliq buyuk falsafiy oqimning yangi va yirik davomchisi boʻlib maydonga chiqdi. U 1721 yilda vafot etdi.
“Irfon”,“Turimaʼrifat”,“Nukot”,“Chor unsur”, “Muhiti azam”, “Tilsimi hayrat” asarlari bilan Oʻrta va Yaqin Sharqdagi behisob ellar, elatlar yuragida katta dovruq qozondi. Ilmiy, adabiy doiralarda bedilxonlik rasm boʻldi.
Bedil ruboiylari teran tafakkur va yorqin tuygʻularning ajoyib chatishmasidir. Ularda shoirning bszovta ruhi va u yashagan zamon nafasi gupurib turadi…
