Eldor Shomurodov
– Ha, siz yuqorida koʻrib turgan inson hozirda biz maqtana oladigan yagona futbolchimiz Eldor Shomurodov. Toʻgʻri, boshqa futbolchilarimiz ham bor. Lekin Yevropa futbol havosidan nafas olmasa, ularni ayta olmaymiz.
Eldor Azamat oʻgʻli Shomurodov 1995-yilning 29-iyunida Oʻzbekistonning Surxondaryo viloyatida futbolchilar oilasida tugʻilgan. Uning dadasi va akasi ham futbolchi.
Futbol oʻynashni 6 yoshida boshlagan va 11 yoshida «Mash’al» futbol akademiyasi tarbiyalanuvchisiga aylanadi. U debyut oʻyinini Olmaliq jamoasiga qarshi oʻtkazadi. Keyinchalik, uni 2015-yilda «Bunyodkor» jamoasi oʻz safiga qoʻshib oladi.
2017-yilda esa u Rossiyaning «Rostov» jamoasi bilan shartnoma imzolaydi. 2020-yil 1-oktyabr kuni u yana jamoasini oʻzgartiradi. U Italiyaning «Jenoa» futbol klubi bilan shartnoma imzoladi. Uning rasmiy gollari soni umumiy hisobda 60 taga yetdi (https://en.m.wikipedia.org/wiki/Eldor_Shomurodov).
Eldor 2019-yilda Oʻzbekistonning eng yaxshi oʻyinchisi deb topildi va shu yili u turmush qurdi. Hozirda u 25 yoshda.
