Yurtimizga Hindistondan olib kelingan AstraZeneca vaksinasi haqida
Daryo nashrining yozishicha 17-mart kuni kechqurun Hindistondan 660 ming dozadagi Covishield koronavirus vaksinasi Toshkent xalqaro aeroportida qabul qilib olingan.
Vaksinalar YuNISEF tomonidan COVAX dasturi doirasida olib kelingan bo’lib O’zbekistonga bepul yetkazib berildi. Vaksinalarning umumiy qiymati $1,98 mln ni tashkil qiladi.
Shuningdek, 23-fevral kuni YuNISEF tomonidan Sanitariya-epidemiologik osoyishtalik va jamoat salomatligi xizmati uchun 17 ta muzlatkichli yuk mashinasi va 206 ta miniven Changan avtomobillari topshirilgan. COVAX dasturi doirasida yuborilgan 4,5 tonna qadoqlangan shprislar qabul qilingan.
