Uylanmoqchi bo’lgan qizimni qanday surishtiray
Har bir uylanayotgan yigit o’z nomzodi haqida maksimal ma’lumotga ega bo’lishni istaydi. Ba’zilar shuning uchun ham sevishib, gaplashib, keyin turmush qurish yo’lini tanlaydi. Boshqalar esa qadriyatlari tufayli to’ygacha qiz bilan gaplashmaydi. Ma’lumot yig’ish uchun esa surishtiruv yo’lidan borishadi.
Surishtiruv jarayonida albatta oila, diyonat, xulqiga e’tibor berish kerak. Lekin qizning aslida qandayligini bilishning oson yo’li uning dugonalarini kimligini bilishdir. Bunga ikkita sabab bor:
1. Qizlar o’zlariga o’xshaganlar bilan beixtiyor yaqin dugona bo’lib ketishadi
2. Yoki, atrofdagilari ta’sirida baribir o’zgaradi.
Ya’ni nomzodingni yaqin dugonalari diyonatli, odobli, aqlli va uyatchan bo’lsa katta ehtimol bilan uning o’zi ham shunday bo’ladi. Va aksincha.
Dugonalari umuman bo’lmasachi?
Bunday qiz oltin baliqcha deyaver. Dugonalari bo’lmagani sababli bor e’tiborini eriga qaratadi va eri bilan o’rtoq bo’ladi. Sirlarni barchasini ham kimga aytadi endi, o’ylab ko’rchi?
P.S.
Bularning barchasi bir sabablar xolos. Barchamiz baribir taqdirimizdagi inson bilan turmush quramiz. Agar turmush o’rtog’ini surishtirib yoki to’ydan oldin gaplashib bilib olish mumkin bo’lganda ajralishlar bo’lmasdi.
t.me/azizrakhimov_blog
