Kasblar ko’pdir dunyoda,
Men-chi men kim bo’laman.
Tadbir maqsadi:O’quvchilarga kasb-hunarlar haqida tushuncha berish,ularni kasb-hunarga bo’lgan qiziqishini uyg’otish va kasb-hunarga yo’naltirish.O’quvchilarni aqlan tetik,jismonan sog’lom va barkamol qilib o’sishlariga yordamlashish.
(Zal bayramona gullar,sharlar bilan bezatilgan,o’quvchilar bir xil formada.”Kasblar juda xilma-xil,Menchi men kim bo’laman?”,”Hunar-tuganmas-javohir”,”Mehnatdan kelsa boylik,turmush bo’lar chiroylik”, ’’ Kim kasb-hunarni desa u dono bo’lur,Nodonlar qudrat deb boylikni bilur.”degan shiorlar ilingan,turli kasblarga oid rasmlardan tayyorlangan albom,kasb-hunar ish qurollaridan namunalar,magnitofon,electron ko’rgazmalar.)
Tadbirni director o’rinbosari ochib beradi.
1-o’quvchi:: Mening Vatanimsan O’zbekistonim,
Men sening dilbanding, jajji qizingman,
Fido bo’lsin senga bu tanu jonim,
Mustaqil qadamlar qo’ygan izingman.
2-o’quvchi: Jannat yerlaringda ungan chechakman,
Sening bayrog’ingni yuqori tutgan.
Men baxtli qizchaman, men kelajakman,
Madhingni ulug’lab qo’shiqlar bitgan.
3-o’quvchi:Navoiy she’rlarin shaydosi bo’lgan
Istiqlol yurtining ko’rar ko’ziman,
Hayoti shodlikka limmo-lim to’lgan
Quvnoq bolalikning xuddi o’ziman.
3-o’quvchi: Yozgan she’rlarimga kuylar bastalab,
O’zim qo’shiq qilib, o’zim kuylayman.
Vatanim sen mendan iqtidor kutsang
O’sha kuyga hatto o’zim o’ynayman.
1-boshlovchi:Assalomu alaykum aziz mehmonlar.Mana bugun 1-„A’’sinf o’quvchilari “Kasblar ko’pdir dunyoda,Men-chi men kim bo’laman” mavzusida mavzuli davra o’tkazamiz. Marhamat ko’rib tomosha qiling.
2-boshlovchi : Bizning shior:
Hamma:’’ Kim kasb-hunarni desa u dono bo’lur,
Nodonlar qudrat deb boylikni bilur.”
3-boshlovchi:Darhaqiqat,dunyoda kasb-hunarlar juda ko’p.Hayotda har bir kasbning o’ziga yarasha o’rni,ahamiyati bor.
4-boshlovchi:Kelinglar hozir shu haqida o’quvchilarimiz fikrlarini tinglasak.
1-boshlovchi:Kim bolalarga ta’lim-tarbiya beradi?
Hamma:Muallim ustoz.
2-boshlovchi:Kim insonlarni davolaydi?
Hamma:Shifokorlardir albat
3-boshlovchi:Kim chiroyli imoratlar quradi?
Hamma:Quruvchidir quruvchi.
4-boshlovchi:Kim tansiq taomlar pishiradi?
Hamma:Qo’li shirin oshpazlar.
1-boshlovchi:Kim bejirim kiyimlar tikadi?
Hamma:Mohir tikuvchi
2-boshlovchi:Kim odamlarning uzog’ini yaqin qila oladi?
Hamma:Sezgir haydovchi
3-boshlovchi:Kim vatanini qo’riqlaydi?
Hamma:Epchil harbiylar
4-boshlovchi:Kim turli-tuman noz-ne’matlar yetishtiradi?
Hamma:Albatta dehqon.
Yulduz:Bizlar ilm o’rganib
Kasbga havas uyg’otdik
Bugun do’stlar bilan birga
Biz tadbir tayyorladik
5-o’quvchi: Kasblar ko’pdir dunyoda
Bir biridan ziyoda
Kasb hunarni egallar
Ishtiyoqqa egalar
Orzuli bo’lsa yurak
Bajo bo’lar har istak
6-o’quvchi:Yildan yilga ulg’ayib
16 ga to’laman
Kasblar juda xilma-xil
Men-chi,men kim bo’laman?
7-o’quvchi:Kasb-hunarning yomoni bo’lmaydi.Muhimi,inson o’z ishini puxta egallashi va mehnati bilan el-yurtga,oilasiga naf keltirishidir.
8-o’quvchi:Novvoy xalq dasturxonini to’yimli va shifobaxsh nonlar bilan ta’minlasa,shifokor bemorlarni davolaydi.
9-o’quvchi:Haydovchi odamlarning uzog’ini yaqin qilsa,dehqon el dasturxoniga shirin-shakar qovun-tarvuzlar,don mahsulotlari va sabzavotlar yetkazib beradi.
10-o’quvchi:Chevar xushbichim kiyim-kechaklar tikadi,me’mor yurt ko’rkiga ko’rk qo’shuvchi mahobatli binolar quradi.
11-o’quvchi:Ota-bobolarimiz “Hunarli-unar”,”Hunarli kishi xor bo’lmas”,”Husniga emas,hunariga boq”,”Bir yigitga qirq hunar oz”degan maqollarni bot-bot takrorlashgan.
12-o’quvchi:Boylikni bir soniyada yo’qotish mumkin.
13-o’quvchi:Lekin bilim va hunarni hech kim tortib ololmaydi.
14-o’quvchi:Inson eng qiyin vaziyatlarda ham o’z hunarini ishga solib,qiyinchiliklarni yengishi mumkin.
1-boshlovchi:Tasavvur qiling,jamiyatdagi qaysidir kasb yoki hunar bo’lmasa,qanday vaziyat yuzaga kelishi mumkin?
2-boshlovchi:Agar haydovchi bo’lmasa,odamlar ishga,o’qishga o’z vaqtida yetib olishlari amrimahol.
3-boshlovchi:Farrosh vazifasini bajarmasa,ko’cha va jamoat joylarida sarishtalik bo’lmaydi.
4-boshlovchi:Demak,hayot maromida borishi uchun har bir inson o’z kasbini sidqidildan bajarishi lozim ekan-da?
Dialog ingliz tilida.
1-boshlovchi:Bolajonlar siz kelajakda kim bo’lmoqchisiz?
Shifokor:Men istayman bo’lmoq shifokor,
Dard bor joyda albat davo bor.
Shifokorlar zahmati hayhot,
Bunyod etmoq shod sog’lom avlod.
Doctor(Shifokor)
I am a doctor, I am a doctor,
I am the best of the best.
I am working,I am working,
I have neve rest.
I measure your pulse,
Listen to your heart,
Bless you!Bless you!
And go in for sport!
Olim: Mening orzuim bo’lmoqlik olim,
Va ilmdan bermoqlik ta’lim.
Ustoz:Men bo’laman murabbiy ustoz,
Shu kasbim-la topaman e’zoz.
Teacher(O’qituvchi)
I am a teacher,I am a teacher,
I am good and very kind
My dear pupils,My dear pupils,
Please,read,please,write!
My dear pupils,My dear pupils,
These are happy dolls
My dear pupils,My dear pupils,
Mhite little lamb,Black noisy horse.
My dear pupils,My dear pupils,
Chicken,puppy,penguin,lion.
I am a teacher,I am a teacher,
I am always fine.
Muhandis:Istagim bo’lmaqlik mohir muhandis,
Uylar qad rostlaydi viqorli nafis.
Nozir: Mening orzum bo’lmoqlik nozir,
Tartiblashga har ishni hozir.
Kosmonavt:Men kosmonavt bo’lib uchgayman,
Fazolarni bir-bir quchgayman.
Informatika ustoz:Men-chi kompyuterni egallab mutloq,
Informatikadan beraman saboq.
Paxtakor:Paxtakor akam kabi,
Shu kasb egasi bo’lgum.
Mashinada paxta terib,
Men elimga tanilgum.
Yozuvchi:Kitob yozib odamlarga
Yaxshilik ulashaman
Qalam bilan yovuzlikka
Qarshi men kurashaman.
Quruvchi:Orzularim ulashib,
Men quruvchi bo’laman.
Osmon o’par binolar,
Maktab, bog’cha, saroylar,
Qurishni do’ndiraman.
Bulder(Quruvchi)
I want to be a builder and build the houses,
In the cities,in the towns,
Supermarkets,hotels and banks
For the people,for the guests.
Nonvoy:Issiq tandir oldida,
Non yopish ham osonmas.
Nonni isrof qilganlar,
Buni bilsa yomonmas.
Qo’shiq:Sartarosh
Kaminaning nomlari
Mulla Ali jon Ali
Qo’llari gul o’zlari,
Shirin-shakar so’zlari.
Hey-hey do’stlarim,
Yurtimda to’y-tomosha bayrami.
Bayrami,bayrami,
Xizmatida hey barakallo,Ali.
Jonginam Ali kasbi-korim sartarosh,
Oromijon-ey,sarviravoney.
Tikuvchi:Chiroyli liboslarni
Juda yaxshi ko’raman.
Katta bo’lsam, albatta,
Zo’r tikuvchi bo’laman.
Sizga nima? Ko’ylakmi?
Yo tikib beray nimcha?
Shoshmay turing azizlar,
O’rganib olay picha.
Harbiy:Men askarman doimo
Hushyorlik menga qurol
Darrov sezaman hatto
Shitirlasa gar shamol.
Axir ona vatanim
Tikkan menga ko’zini
Fido etib bu jonim
Oqlayman yurt tuzini
Duradgor:Juda ko’p hunarlar bor,
Eng keragi duradgor.
Yasayman turli jihoz,
Ustaxonam keng va soz.
Pardozchi:Eshiting quloq osib,
Pardozchi ham kasb
Pardoz qilsam yuzingiz
Tanimaysiz o’zingiz
Pardoz bo’lsa sizga mos
Bildirmaymiz e’tiroz
Aytasiz ming bor rahmat
Qo’lingiz ko’rmasin dard
Danser(Raqqosa)
She is a danser,she likes dansing,
She brings happiness to us.
She dances for “Lazgi” and “Tanovar”,
She is really our star
She dansces for national “Dilxiroj”
Let’s enjoy and let’s watch!
Qo’shiqqa qizlar raqs ijro etadi.”Doira”qo’shig’i.
Bo’yoqchi:Men bo’lmoqchi bo’yoqchi
Uning ishiga boqchi
Bo’yalgan zahot xona
Go’zallashadi yana
Cho’tka bo’yoq,purkagich
Ular bilan ko’ngil tinch
Sariq yashil ko’k bo’yoq
Buncha go’zal hamma yoq
Kulol:Men-chi bo’laman kulol
Sizni qilib hayron lol
Yasasam ko’za idish
Juda maroqli bu ish
Loy go’yoki jonlanar
So’ng ko’za olovlanar
Keyin naqshi chizilar
Tayyor bo’lib tuzilar
Haydovchi:Mashinam pishqiradi,
G’izillab tez yuradi.
Haydovchiman tin bilmas,
Manzilni aytsangiz bas.
Zargar:Men zargar bo’lib,yarataman ajib bir bezak
Unda jilolanadi momolar aksi
Ajdodlar merosin asramoq kerak
Shunda davom etar o’zbekning nasli.
Qo’shiq:Oshpaz.
Oshpazlik kasbu-korim,
Mehnatim-iftixorim.
Mana katta qozonda,
Qozonda,qozondayey,
Damlab qo’ydim palovni,
Palovni,palovniyey.
Olmasin deb tagini,
Tagini,taginiyey.
Pasaytirdim olovni,
Olovni,olovniyey.
Cook(Oshpaz)
I am a cook and I cook,
I am reading cooking book.
Cooking is tasty and good,
I have many kinds of food.
I have meat and I have oil,
I want to fry and I want to boil.
15-o’quvchi:Bo’lay desang bog’bon
Yo vatanga posbon
Yo osmonda uchuvchi
Yo dengizda suzuvchi,
Nimaiki qilsang tilak
Bariga o’qish kerak.
16-o’quvchi:Hunar o’rgan, ey o’glon,
Hunar senga asqotar.
Hunarlar ko’p, soni yo’q,
Sanasang, qator-qator.
17-o’quvchi:O’rgan o’glim yigitsan,
Yetmish hunar oz senga
“Hunarli er kam bo’lmas”
Maqolin ol esinga.
18-o’quvchi:Mayli duradgor usta,
Chilangar bo’l, xohishing,
Xalqqa biron manfaat,
Yetkazsin qilgin ishing.
19-o’quvchi:Binokor bo’l, ha balli,
Bizga sos uylar kerak.
Bastako bo’l, marhamat,
Sho’x qo’shiq, kuylar kerak.
20-o’quvchi:Rizamat bobodek bo’l,
Yashnat vatan bog’larin.
Har qarichi oltindir,
Cheksiz bug’doyzorlarin.
Hamma:Hunarli bo’l, ilm ol,
Har ikkisi ham zarur.
Hunar-bu baxtu iqbol,
Belga quvvat, ko’zga nur.
Sahna ko’rinishi:Sunnatilla Anorboyevning “Bahs”hikoyasi asosida.
Muallif:Oqsoy qishlog’ida Halim,Salim,Karim degan bolalar bor.Ular sinfda ham yonma-yon o’tirishadi.Darsni ham birga tayyorlashadi.Ta’til yaqinlashgan edi.Uch o’rtoq yozda qiladigan ishlari to’g’risida suhbatlashishyapti.
Karim:O’qish tugagan kunining ertasigayoq yaylovga ketaman.Bo’ribosarni ergashtirib,qo’y boqishga otamga yordamlashaman.Katta bo’lsamchi otamdek cho’pon bo’laman.Cho’ponlikdan yaxshi kasb yo’q olamda!
Muallif:Karimning so’nggi gapidan Halim va Salimning jahli chiqdi.
Ikkalasi:Nega endi?
Halim:Mana masalan mening otamday hisobchi bo’lish yomonmi?Fermer xo’jaligida kim qanday ish qiladi,qancha ish haqi oladi,cho’ponlar qancha davlatga yog’,jun,go’sht,sut yetkazishini hisoblab beradi.Men katta bo’lsam otamdek hisobchi bo’laman.
Karim:I-i anavini qaranglar!
Salim:Xo’jalik mulki omborxonada saqlanadimi yoki ko’chadami?
-Albatta omborxonada!
Salim:Omborxonani kechasi otam qo’riqlaydi.Xo’jalik don-duni,go’sht yog’i-yu asbob-uskunalarini otamga ishonib topshirib qo’yibdi!Men katta bo’lsam otamdek qorovul bo’laman.
Uch o’rtoq bahslashib qoladi.
Muallif:O’qishlar ham tugadi.Karim ertaga buvasi bilan tog’ga jo’naydi.Lekin Karimning qovog’i soliq edi.Buvasi hayron edi.
Karim:Buva cho’ponlik yomon kasbmi?
Buvasi:Yo’q chirog’im
Karim:Qorovullik-chi?
Buvasi:Qorovulchilik ham.
Karim:Hisobchi bo’lishchi?
Buvasi:Hisobchilik ham yaxshi.
Karim:Ichida eng yaxshisi qaysi?
Buvasi:Kasbning yomoni bo’lmaydi.
Karim yugurganicha soy bo’yiga ketdi.O’rtoqlari oldiga borib chimga cho’ziladi-da:
-Hech bir kasbning yomoni bo’lmaydi!(hansiraydi)
Sening otangning qorovulchilik kasbi ham yaxshi,sening otangni hisobchilik kasbi ham yaxshi….
Ikkalasi:Sening otangning ham kasbi yaxshi.
Uchalasi ham xursand bo’lishib uyga qaytishadi.
Shahrizoda:Ammo atrofga qarang
Kasb hunar ko’p rang-barang
Hammasin eslab ko’ring
Biriga ega bo’ling
Ekskavatorchi, naqqosh
Qandolatchi, sartarosh
Muhandis, bastakor
Chilangar dirijyor
Temir yo’lchi gilamdo’z
Hamshira yoki zardo’z
Shaxtachi hamda jongle
Chegarachi suxandon
Harbiymi yoki bog’bon
Iqtisodchi hisobchi
Aytmaganimni topchi
Charos:Ziroatchi kimyogar
Barin o’ylasak agar
Etikdo’z yoki rassom
Sanasak bo’lmas tamom
Hammasi juda zarur
Bari hurmatli erur
Kasb hunarlar har joyda
Xalqqa keltirar foyda
Aziz:Do’stim endi o’ylab boq
Qay biriga ishtiyoq
Qalbbingda bo’ldi paydo
Qay biri qildi shaydo
Xoxlaganingni tanla
Zarurligingni tanla
O’qi o’rgan mehnat qil
Harakat qil mustaqil
Bu yo’lda senga ta’lim
Berar ustoz muallim
1-boshlovchi:Birimiz tadbirkor birimiz me’mor
2-boshlovchi:Birimiz shifokor birimiz dehqon
3-boshlovchi:Birimiz kuy qo’shiq yaratsa agar
4-boshlovchi:Birimiz sarhadda bo’lamiz qalqon
Hamma:Yurt rivoji uchun mehnat qilamiz
Shu ozod vatanni obod qilamiz.
Sinflar o’rtasida musobaqa.
4-sinf o’g’illari o’rtasida tugmani qadash musoboqasi o’tkaziladi.
3-sinf qizlari orasida “So’z top”metodi-“Mehnatsevarlik”
2-sinf o’quvchilari o’rtasida “Sehrli shar”metodi.Sharni shishirib,yorib ichidagi savolga javob berish.
1-sinf o’quvchilari o’rtasida “Xotira”mashqi.Bunda kasb-hunarlar nomi aytiladi.
G’olib o’quvchilarga estalik sovg’alari beriladi.
1-boshlovchi:Shu bilan bizga ajratilgan vaqt o’z nihoyasiga yetdi.
2-boshlovchi:E’tiboringiz uchun rahmat.
3-boshlovchi: Aziz o`quvchilar, jonajon yurtimizga xizmat qiladigan ajoyib bilimdon farzandlar bo`lib yetishing.
4-boshlovchi: Bilim cho`qillarini egallang. Vatanimizni chin dildan sevadigan vatanparvarlari bo`lib yetishing.
Buxoro viloyati Romitan tumani 1-umumta’lim maktabi boshlang’ich sinf o’qituvchisi Murodova Surayyo
Vebsayt:www.btr2014.zn.uz tel:94-543 71 70
