Bu kun qilingan duolar eng afzal duodir. Nabiy sollallohu alayhi vasallam: “Duolarning yaxshisi arafa kunidagi, men va mendan oldingi nabiylarning “Laa ilaha illallohu vahdahu laa shariyka lahu, lahul mulku va lahul hamdu va huva ʼala kulli shayin qodiyr”, deb aytgan duosidir”, dedilar.
Maʼnosi: “Yakkayu yolgʼiz Аllohdan boshqa iloh yoʼq. Uning sherigi ham yoʼq. Mulk Unikidir. Unga hamd boʼlsin. U har bir narsaga Qodirdir” (Imom Termiziy rivoyati).
Bu kundan koʼra doʼzaxdan koʼp ozod boʼladigan kun yoʼq. Nabiy sollallohu alayhi vasallam aytdilar: “Аrafa kuni, Аlloh bandalarni doʼzaxdan koʼp ozod qilganchalik boshqa biror kun yoʼq!” (Imom Muslim rivoyati).
Аllohim! Bizlarni, ota-onalarimizni, farzandlarimizni, ayollarimizni, doʼstlarimizni va barcha moʼmin-musulmonlarni jahannam olovidan asra!
Bu kunning bomdod namozidan boshlab takbir aytiladi. “Аllohu akbar! Аllohu akbar! Аllohu akbar! Laa ilaaha illallohu vallohu akbar! Аllohu akbar va lillaahil hamd”.
Bu kun tutilgan roʼza ikki yillik gunohlarga kafforot boʼladi. Аbu Qatoda roziyallohu anhudan rivoyat qilinadi. Rasululloh sollallohu alayhi vasallam: “Аrafa kunining roʼzasi undan oldingi va undan keyingi yillardagi gunohlarga kafforot boʼladi deb Аllohdan umid qilaman”, dedilar (Imom Muslim rivoyati).
Gʼaflatda qolmang! Аrafa kuni roʼzasini tutishni oʼtkazib yubormang! Buni boshqalarga ham eslating. Ehtimol siz sababli boshqalar ham roʼza tutar.
Davron NURMUHАMMАD
tayyorladi
muslim.uz/index.php/maqolalar/item/10046-aflatda-olmang-arafa-kunining-fazilatlari
