Аvstriyaga sayohat

АVSTRIYa

Аvstriya – Yevropa davlati, buyuk bastakorlar va yozuvchilar vatani, noyob oʼsimlik va hayvonot dunyosi mamlakati. Bu davlat arxitekturasi bir nechta davrlarni oʼzida mujassam etadi.

Ushbu mamlakat sayyohlarga osoyishta oilaviy hordiqni togʼ ekstremal sayohati bilan birlashtirish va besh yulduzli oteldan tortib kichik qishloq mehmonxonasiga qulay joylashish imkoniyatigacha taqdim etadi. Аmmo siz qay birini tanlasangiz ham Аvstriya sayyohlarni oʼzining goʼzalligi, tabiat inʼomlari va chinakam mehmondoʼstligi bilan xursand qiladi.

Buloq suvlari, toza koʼl va musaffo havo – bularning barchasi Аvstriya sogʼlomlashtirish kurortlarining asosiy tashkil etuvchilaridir. Diqqatga sazovor joylarni sayr qilish va milliy oshxona taomlaridan bahramand boʼlish orqali maʼlum bir davlat madaniyatini oʼrganuvchilar aynan Аvstriyani tanlashlari mumkin. Mamlakat poytaxti Vena Xofburg saroyining mahobati, muqaddas Stefan cherkovi goʼzalligini namoyish qilish bilan bir qatorda buyuk musiqachi Motsartning uy-muzeyida sayr qilishni taklif qiladi. Shuningdek, mashhur Kafedral cherkovi, Vena operasi va boshqa koʼplab imoratlar sizni befarq qoldirmasligi shubhasiz.

Аvstriyaga sayohat – bu Zalьtsburgdagi togʼ-changʼi kurortlari, shifobaxsh buloqlar, goʼzal koʼllar va mashhur olmali shtrudelь hamda abrikosli ponchiklarni oʼz ichiga olgan milliy oshxona. Аvstriyada eng yaxshisi maydan sentyabrgacha mehmon boʼlgan maʼqul.

Аvstriyada dam olish – bu sogʼliqni tiklash, madaniy hordiq chiqarish, buyuk Yevropa tarixi bilan tanishish, oʼyin-kulgi, sayr-tomosha va unutilmas his-tuygʼular demakdir.