Notarius er-xotinning yozma arizasiga muvofiq ulardan biriga yoki har ikkisiga nikoh davomida orttirilgan umumiy mol-mulkdagi ulushga bo‘lgan mulk huquqi to‘g‘risida guvohnoma beradi.
Er-xotinning umumiy mol-mulkidagi ulushga bo‘lgan mulk huquqi to‘g‘risida guvohnoma er-xotinning mavjud umumiy mulki hisoblangan mulkigagina beriladi.
Notarial harakatni ishtirokchilari:
er-xotinning yozma arizasiga muvofiq ulardan biriga yoki har ikkisiga beriladi.
Taqdim etiladigan hujjatlar
Fuqarolarning shaxsi quyidagi hujjatlarga asosan aniqlanadi:
O‘zbekiston fuqarolarining shaxsi — O‘zbekiston Respublikasi fuqarosining pasporti;
harbiy xizmatchilarning shaxsi — harbiy qismlar va harbiy muassasalar qo‘mondonligi tomonidan beriladigan shaxsiy guvohnomalar yoki harbiy biletlar (harbiy xizmatga majbur fuqarolarning harbiy bileti bundan mustasno);
chet el fuqarolarining shaxsi — ularning milliy pasporti (qonun hujjatlariga muvofiq chet el fuqarolari tegishli ichki ishlar organlari tomonidan ro‘yxatga olinishi lozim) yoki O‘zbekiston Respublikasida yashash guvohnomasi yoxud diplomatik pasporti yoki O‘zbekiston Respublikasida akkreditatsiya qilinganligini tasdiqlovchi akkreditatsiya kartochkasi;
fuqaroligi bo‘lmagan shaxs uchun — O‘zbekiston Respublikasida yashash guvohnomasi.
Nikoh haqidagi guvohnomasi;
Mulkka bo‘lgan huquqni tasdiqlovchi hujjat;
Ko‘chmas-mullka bo‘lgan huquqni tasdiqlovchi hujjat va kadastr yig‘majildi (kadastr pasporti);
Avtomototranspor uchun - DYHXX berilgan Transport vositalarini qayd qilish guvohnomasi;
Boshqa turdagi mulkka bo‘lgan huquqni tasdiqlovchi hujjat.
Boshqa hujjatlar (zarur bo‘lsa).
Qo‘shimcha xizmatlar uchun to‘lov
Loyiha uchun to‘lov (BHMning 5%);
Tushuntirish uchun haq miqdori (BHMning 5%);
Taqiq mavjud emasligini tekshirish uchun (BHMni 15%).
Notarial idoralar haqida ma’lumot olish uchun quyidagi havolaga o‘ting.
Notarius qabuliga yozilish uchun quyidagi havolaga o‘ting.
Elektron notarius portalidan foydalaning.
Notarius harakatlaridan norozi bo‘lsangiz O‘zbekiston Respublikasi Adliya vazirligining “1008” ishonch telefoniga qo‘ng‘iroq qiling.
