Ko‘pchilik qilmoqchi yoki qilishi kerak bo‘lgan ishlar amalga oshmayotganida o‘z dangasaligini ayblaydi. Ba’zilar yalqovlikdan o‘z sustkashiklarini oqlashda foydalanishadi.
Ko‘pchilik qilmoqchi yoki qilishi kerak bo‘lgan ishlar amalga oshmayotganida o‘z dangasaligini ayblaydi. Ba’zilar yalqovlikdan o‘z sustkashiklarini oqlashda foydalanishadi.
Ammo hech o‘ylab ko‘rganmisiz – dangasalik qayerdan kelib chiqadi?
Navbatdagi sirni bilishga tayyormisiz? Dangasalik – hayotiy quvvat yetishmasligi oqibati.
Bunda odamning tiriklik quvvati shu darajada tushib ketadiki, u hatto kundalik yumushlarni qilish uchun ham o‘zida shijoat topa olmaydi. Tana o‘z funksiyalarini bajarish uchun hayotiy quvvatni iloji boricha tejashga urinadi – shundan mushaklar bo‘shashgan, ishtaxa past va aqliy faoliyat sekin kechadi. Eng qizig‘i, bunday holatga yetib borish uchun katta mehnat qilish kerak. Ya’ni hayotiy quvvatni shu darajada tushirib yuborish uchun, uni rosa sarflash kerak. Kimdir buni noto‘g‘ri hayot tarzi bilan qilsa, kimdir noto‘g‘ri ovqatlanish ortidan bunga erishadi. Yana kimdir kuchli ruhiy zo‘riqishdan keyin rosa yalqov bo‘lib qoladi.
Endi ahamiyat berib qarab ko‘ringchi, sizda bularning qay biri mavjud?
psixolog Ma‘ruf Kubayev tayyorladi
pmt.uz
