Singapurda dam olish

SINGАPUR

Singapur – ozoda koʼchalar, baland palьmalar va hamma yoqda ushbu davlatning ramzi hisoblangan qudratli sher tasviri aks etgan ekzotik orol. Singapur noyob hind, xitoy va arab sivilizatsiyasining birligini oʼzida mujassam etadi. Qadimiy diniy ibodatxonalar, qiziqarli zamonaviy imoratlar va mehmondoʼst xalq sayohatni sevuvchilar uchun ajoyib manzarani hosil qiladi. Hudud jihatidan u qadar katta boʼlmasa-da, Singapur koʼplab tarixiy va zamonaviy yodgorliklarning koʼpligi bilan kishi diqqatini tortadi. Rahm-shafqat maʼbudasi Gunʼinь ibodatxonasi, tungi Pasam Malam bozori, koʼkka boʼy choʼzgan osmonoʼpar binolar, bir qancha restoran va savdo doʼkonlariga ega mashhur Klar Ki qirgʼogʼi, Sun, Yan, Min va Sinь sulolalarining mashhur buyumlari nusxalari namoyishga qoʼyilgan Ming qishloqchasi – bularning bari manzarali orolda mavjud boʼlgan qiziqarli manzillarning hali barchasi emas. Singapurning fahri – bu oʼsimlik va hayvonot dunyosining noyob vakillari hayot kechiruvchi Milliy qoʼriqxona va Singapur zooparki. Har bir xohlovchi bu yerda istiqomat qiluvchi hayvonlarning yashash sharoitini bevosita kuzatish imkoniga ega. Dam olish uchun eng mashhur joylardan biri – bu kilometrlarga choʼzilgan plyajlari oʼzining ozodaligi, turli-tuman oʼyinlari, xalqaro tadbirlari va raqs festivallari bilan mehmonlar eʼtiborini oʼziga tortuvchi Sentoza oroli.

Singapurda dam olish – bu koʼpqirrali ekzotika, nam havo va noyob Osiy tabiati bilan birlashish. Singapurga borish uchun yilning istalgan vaqtini tanlashingiz mumkin. Qish avvalida siz mahalliy bayramlarda ishtirok etib, koʼngil yozishingiz uchun qulay sharoit vujudga keladi. Iyulda yirik savdo-sotiq va oshpazlik festivallari boʼlib oʼtadi. Yil mobaynida Singapurda koʼplab rang-barang bayramlar nishonlanadi.

Singapurga safar – bu kuylovchi favvoralar, dengiz manzaralari, ajoyib shopping, madaniy urf-odatlar va boshqa koʼplab tadbirlarning uygʼunligi.