Bolgariyada dam olish

BOLGАRIYA

Yevropaning kichik davlatlaridan biri boʼlmish Bolgariya asrlar davomida oʼzining mehmondoʼstligi va Qora dengiz qirgʼoqlaridagi tillarang qumlari bilan mashhur. Yevropaning boshqa sayyohlik davlatlari bilan solishtirganda dam olish narxi sezilarli darajada arzon, ammo xizmat koʼrsatish sifati, obidalar va diqqatga sazovor maskanlarning soni boʼyicha boshqalardan aslo qolishmaydi. Bolgariya sizni atirgullarning betakror ifori bilan kutib oladi, boisi bu davlat pushti rang yogʼning yagona yirik eksportchisi hisoblanadi. Davlatning koʼplab diqqatga sazovor joylari poytaxt Sofiyada joylashgan. Sofiya qadimiyligi boʼyicha Yevropadagi ikkinchi shahardir. Bu yerda Serdika saroy va minoralari, muqaddas Sofiya cherkovi, Аleksandr Nevskiy cherkovi, turli muzeylar va koʼp asrlik koʼchalarni koʼrish mumkin. Qora dengizning mashhur «Solnechnыy bereg», «Zolotыe peski», «Аlbena» va boshqa dam olish hududlarida siz chinakam yuqori sifatli xizmat koʼrsatish, ajoyib dengiz koʼrinishi, qaynoq qum va yengil dengiz shamolidan bahra olishingiz mumkin. Plyajda hordiq chiqarish va poytaxtdagi sayrdan tashqari, tajribali sayyohlar Bolgariyaning boshqa shaharlarini ham borib koʼrishingizni maslahat berishadi: Varna, Burgas, Plovdiv, Shumen – bular Bolgariya goʼzalliklari roʼyxatining atigi bir qismi.

Bolgariyada dam olish – bu qaynoq mineral manbalar, sogʼlomlashtirish spa-kurortlari va «eng moviy» Qora dengiz qirgʼoqlari. Bu davlatga sayohat qilish uchun eng qulay muddat: maydan avgustgacha.

Bolgariyaga sayohat – bu yorqin Yevropa sarguzashti, maroqli oilaviy dam olish va ikki kishilik romantik sayohat.