Ozarbayjonda dam olish

OZАRBАYJON

Ozarbayjon – Kavkaz ortining sharqiy qismida joylashgan davlat boʼlib, ushbu hududning eng yirik iqtisodiy, ijtimoiy va siyosiy markazi hisoblanadi. Bu yerda koʼplab sammit va davlat rahbarlarining uchrashuvlari oʼtkaziladi, boisi Ozarbayjon jahon siyosiy sahnasida rivojlanishga katta umid bogʼlamoqda. Siyosiy va iqtisodiy muvaffaqiyatlardan tashqari, Ozarbayjon oʼzining tabiati, misol uchun, dunyo boʼylab koʼplab insonlarni jalb qiluvchi chashma suvlari bilan shuhrat qozongan. Ozarbayjonda mahalliy tabiat goʼzalliklaridan umrbod bahra olish mumkin. Shuningdek, ushbu davlat kinematografiya, sport, ilmiy sohalarning rivojiga oʼz hissasini qoʼshib kelmoqda. Bu yerda sanʼat yildan-yilga rivojlanib bormoqda, shu sababli mahalliy hukumat yoshlarning turli sohalardagi orzu-istaklarini roʼyobga chiqarish uchun qoʼlidan kelgancha harakat qilmoqda. Ozarbayjon koʼpgina davlatlar bilan hamkorlik aloqalarini oʼrnatgan, bu esa uni yanada rivojlantirib, dunyo sahnasidagi oʼrnini mustahkamlamoqda.

Shuningdek, Ozarbayjon oʼzining sayyohlik imkoniyatlari bilan nom qozongan. Yozda plyajda dam olish keng tarqalgan boʼlib, bu paytda quyosh butun yoz davomida oʼz nurlarini sahiylik bilan ulashadi. Bakudan tashqari Xudot, Xachmaz, Siyozon, Lenkoran va Аstara atrofidagi plyajlarda rohatlanib dam olish mumkin.

Faol dam olish shinavandalarini dayving, alьpinizm, togʼ changʼisida uchish va togʼlardagi ekologik soʼqmoqlarda piyoda sayr kutmoqda. Shuningdek, sayyohlar mineral suvlar, naftalan neftidan foydalanib davolanish tadbirlarini oʼtkazishlari, tuzli gʼorlarga borishlari va spa-parvarishlash muolajalarini olishlari mumkin.